سياسة الخصوصية
آخر تحديث: ١٧ نوفمبر ٢٠٢٦
هذي الصفحة تشرح بالضبط وش البيانات اللي يجمعها موقع «كم دفعت؟»، وليش، ووين تنحفظ، وكم تبقى.
١. لما تسجّل سعر
- اللي نحفظه: الخدمة، السيارة والموديل، نوع القطعة، المبلغ، اسم الورشة وحيّها، متى دفعت، تقييمك للتجربة، وملاحظتك إن كتبت.
- اللي ننشره: كل ما سبق يظهر للزوار بدون أي معلومة عنك. ما نطلب اسمك ولا جوالك ولا إيميلك.
- رقم مشفّر لجهازك: نحوّل عنوان الإنترنت (IP) لرمز مشفّر ما يمكن إرجاعه للعنوان الأصلي، ونحفظ الرمز فقط. نستخدمه لمنع تسجيل أكثر من سعر لنفس الورشة من نفس الجهاز خلال ٣٠ يوم، وكشف التقييمات المكرّرة. ما نحفظ عنوان IP نفسه.
٢. صورة الفاتورة
- رفعها اختياري. الصورة تتصغّر في جهازك قبل ما ترتفع.
- يشوفها المشرف فقط للتأكد إن المبلغ واسم الورشة يطابقون. ما تُنشر أبداً.
- تنحذف نهائياً أول ما تنراجع (قبول أو رفض). اللي يبقى بس إن السعر «بفاتورة» أو لا.
- ننصحك تغطي أي رقم جوال أو بيانات شخصية في الفاتورة قبل التصوير.
٣. لما صاحب محل يطلب استلام صفحته
- اللي نحفظه: اسم المحل، النشاط، الحي، رقم السجل التجاري أو وثيقة العمل الحر، اسم المسؤول، رقم الواتساب، والباقة المختارة.
- الاستخدام: التحقق إن الطلب من صاحب المحل، والتواصل معه على الواتساب.
- اللي ينشر: بعد قبول الطلب، يظهر رقم واتساب المحل في صفحته كزر تواصل. رقم السجل واسم المسؤول ما يُنشرون.
٤. وين تنحفظ البيانات
الموقع وقاعدة بياناته مستضافة على خدمات Cloudflare (Cloudflare Pages وCloudflare D1). Cloudflare تعالج الطلبات لتشغيل الموقع وحمايته.
٥. خدمات خارجية
- Google Fonts: الخط المستخدم في الموقع يتحمّل من خوادم Google، فمتصفحك يرسل لهم طلب تحميل الخط (ومعه عنوان IP حقك) كأي موقع يستخدم Google Fonts.
- واتساب: لما تضغط زر واتساب ورشة، تنتقل لواتساب وتنطبق سياسة خصوصيته.
- ما نستخدم إعلانات، ولا أدوات تحليل زيارات، ولا ملفات تتبّع (كوكيز) حالياً. إذا أضفنا شي منها مستقبلاً بنحدّث هذي الصفحة قبلها.
٦. التخزين في متصفحك
الزوار العاديين: ما نحفظ شي في متصفحك. لوحة المشرف فقط تحفظ مفتاح الدخول مؤقتاً في متصفح المشرف لين يسكّره.
٧. كم تبقى البيانات
- الأسعار والتقييمات: تبقى لأنها هي محتوى الموقع، ووزنها في الحساب يقل مع الوقت.
- صور الفواتير: لين تنراجع، بعدها تنحذف.
- طلبات استلام المحلات: طول ما المحل مسجّل عندنا.
٨. حقوقك
تقدر تطلب حذف سعر أو تقييم سجّلته، أو حذف بيانات محلك، بالتواصل معنا. وبما إننا ما نعرف هويتك، بنحتاج تفاصيل السعر (الخدمة، المبلغ، الورشة، التاريخ) عشان نلقاه.
٩. التواصل
[TODO: إيميل أو واتساب للتواصل]